今日连续急救完3个小孩后，累得坐在长椅上休息，忽然有个小孩走到我面前，报以天真笑容说，“Thank you!”   我跟他握手，头脑因为疲倦而相当混乱，仍然唔知发生乜事。然后他说，“You saved me (before).”接着展示手臂联过针的伤痕。   虽然我真系唔认得佢，但心里还是一热，唔知点解有d眼湿湿。一世人两巴打（兄弟），这些小恩小惠何足挂齿呢？  

  一如所谓，发生系Vincent 身上的事，又点会咁顺滩先得假？   阿头神色凝重咁走埋黎，(或者Vincent个名真系无改错)，我个Replacement有家人病了，未能照原本日子前来接替我，于是叫我留耐D。   口头虽然好唔情愿，心里却是暗喜。  

公众假期，病魔唔会休息，所以其它队员个个训到自然醒，Vincent却要晨咁早开工... 五一劳动节，天下继续开工劳动既人，比个Like你！ 另外有件事唔知开心好定唔开心好......早几日，修女又带两个月前营养不良出左院既小朋友返黎。修女见到我除左同我打招呼外，仲带埋Peter仔黎探班。 无见两个月，Peter仔已经可以拖住我跌跌撞撞咁行啦！不过过左两个月，佢好似唔认得我，我忽然有种失恋比人飞既感觉......呜呜呜…… 好啦，今日就忙里偷闲，做人肉学行车，同Peter仔劳动一下~~~      

真人真事，真人真事。 话说昨晚当我夜妈妈系Office做野，忽然间一卷黑色的风吹入黎，原系系近百只飞蚁，围住灯飞尤自可，可惜大部份飞得果一阵就飞唔起，跌晒系地上，系我身上爬来爬去，只只都长过有起码一节手指咁长…… 佢地多到成间房都一时间暗下来，初时我只系用手指系我身上弹黎弹去，但後来发现多到弹唔切，那刻光境仿如世界末日一样…… 最後我只好落荒而逃…… 你睇下今朝早地上百千对翼，你就知琴晚战情系几咁激烈…… 话时话，系度生活真系唔系表面咁风光嫁。