02 / 05 / 2013
公众假期，病魔唔会休息，所以其它队员个个训到自然醒，Vincent却要晨咁早开工... 五一劳动节，天下继续开工劳动既人，比个Like你！
另外有件事唔知开心好定唔开心好......早几日，修女又带两个月前营养不良出左院既小朋友返黎。修女见到我除左同我打招呼外，仲带埋Peter仔黎探班。 无见两个月，Peter仔已经可以拖住我跌跌撞撞咁行啦！不过过左两个月，佢好似唔认得我，我忽然有种失恋比人飞既感觉......呜呜呜…… 好啦，今日就忙里偷闲，做人肉学行车，同Peter仔劳动一下~~~
Reply
Share
29 / 04 / 2013
在南苏丹的工作虽然疲累，但每次看见婴儿们因为得到合适的治疗，而可以健康出院、开开心心活下去的时候，大部分的疲累自然一扫而空。 当然还是有小部分会存在。
Reply
Share
23 / 03 / 2013
真人真事，真人真事。 话说昨晚当我夜妈妈系Office做野，忽然间一卷黑色的风吹入黎，原系系近百只飞蚁，围住灯飞尤自可，可惜大部份飞得果一阵就飞唔起，跌晒系地上，系我身上爬来爬去，只只都长过有起码一节手指咁长…… 佢地多到成间房都一时间暗下来，初时我只系用手指系我身上弹黎弹去，但後来发现多到弹唔切，那刻光境仿如世界末日一样…… 最後我只好落荒而逃…… 你睇下今朝早地上百千对翼，你就知琴晚战情系几咁激烈…… 话时话，系度生活真系唔系表面咁风光嫁。
Reply
Share
23 / 02 / 2013
要逗人开心，唔驶下下送车送楼送介指既，简单，也可以很快乐。
因为我穷，无钱买礼物，咁大个仔第一次上网学折纸，真系沟女都无咁认真。查实我真系由细到大连飞机都唔识折既人。不过见到D小朋友笑得咁开心，就好多野都抵返晒。
Reply
Share