2212月
仲有几个钟，呢度就会变成21/12/2012，一个对于我相当重要的日子。
经过一连串briefing之后， 图魔劳就系第一个工作天，又或者系世界末日。无论前者定后者，都叫人期待非常。
望住呢度唯一既娱乐设施（ thank god, out of expected），我不自禁系度幻想，半年后我会否成为排波或者羽毛的高手。
BTW，我真系估唔到，三十几度竟然有Internet（因为工作需要）而无风扇，最估唔到系，我竟然训得好好，证明我真系Adaptable！
1912月
你见佢目露凶光都应该知来者不善啦！
就系咁，我以左手掩护，右手进食，虽遇多次袭击，仍然力保不失。用呢个Pose，我跟苏丹猫足足对峙了十多分钟。
老板，我落机第一餐咋，D饭冻既你都同我争？！不过世上又点会有永远的敌人呢？
两日后我地化敌为友，佢系目前唯一一个会听我讲广东话既生物...
1612月
出发喇！
梦想成真的一天终于安稳而又平静的到临。我不是伟人，只是平凡任性相信梦想的小朋友而已。
With Great Power，Comes Great Responsibility。
黎紧我会把握呢个难得的机会，向非洲的大小朋友分享来自香港的爱，告诉他们世界还会有人向他们伸出援手。
假如世上有平行时空的话，或者我在其它时空里可能已经发左达、结左婚、生埋仔，但我可以肯定，呢个Moment，我系咁多个时空最开心果个！
祝你早日梦想成真！
送给所有还相信梦想的你！
鲍隽宇（Vincent），来自香港的护士，于2012年加入无国界医生，并于同年远赴南苏丹首次参与救援任务。